Ամեն, ամեն ինչ ոսկեզօծվել է,
Ոսկի են թվում տերև ու ճյուղ,
Ուր որ նայում ես, դեղին բոցեր են,
Դեղին հրդեհ է և դեղին ծուխ:
Ջրվեժը, առուն, ծառը, ծտերը
Աշնան քամուն են ծափահարում:
Քամին է այս ծով գանձերի տերը,
Այս ոսկու տերը՝ մեծահարուստ:
Առաջադրանքներ
- Ընթերցի՛ր բանաստեղծությունը և բացատրի՛ր ընդգծված տողերը:
Քամին է այս ծով գանձերի տերը,
Այս ոսկու տերը՝ մեծահարուստ
Քամին տերևներն խաղեցնում է օդում , դրա համար ասում են, որ նա նրանց տերն է:
Ուր որ նայում ես, դեղին բոցեր են,
Դեղին հրդեհ է և դեղին ծուխ
Ամեն տեղ ոսկեգույն տերևներ են:
- Առանձնացրո՛ւ փոխաբերությունները և բացատրի՛ր։
Ոսկեզօծվել- դառնալ ոսկուն համարժեք, ոսկու գույն ստանալ
դեղին բոցեր- դեղին գույնը այնքան վառ է, որ նման է կրակի բոցերի:
Աշնան քամուն են ծափահարում- տերևները իրար են հարվածում:
- Տրված բառակապակցությունները գործածի՛ր նախադասություններում։
դեղին բոցեր, աշնան քամի, ոսկե աշուն, ոսկեզօծ ծառ։
Աշնան քամին այնքան ուժեղ էր, որ ծառերը գետնին էր տապալում:
Դրսում ոսկե աշուն է:
Ոսկեզօծ ծառի բներում ապրում են սկյուռները:
Դեղին բոցեր են ելնում կրակից և տաքացնում խարույկի շուրջ նստած երեխաներին:
- Ինչպիսի՞ տրամադրություն հաղորդեց քեզ այս բանաստեղծությունը: Մեկնաբանի՛ր:
Գունավոր և ուրախ տրամադրություն այն հաղորդեց ինձ, քանի որ աշունը նման է ոսկե երկրի և կան տաք գույներ ցուրտ ժամանակ:
- Փորձի՛ր արձակ պատմել բանաստեղծությունը: Մուտքագրի՛ր պատումդ և ձևավորի՛ր այն բանաստեղծությանը համապատասխանող քո հեղինակային ֆոտոնկաներով կամ նկարներով:
Ես հասկացա, որ աշունը ունի ոսկե նշանակություն, որ աշնանը մեր հայրենիքը դեղնում է ու տարբեր գույներ ստանում, որոնք երջանկացնում են մարդկանց:
Լրացուցիչ առաջադրանքներ
- Աշնանը նվիրված դասական մեղեդիներ փնտրիր համացանցում և այս բանաստեղծության տրամադրությանը առավել համապատասխանող ստեղծագործությունն առանձնացրու:
- Պատճառաբանի՛ր ընտրությունդ և նշի՛ր քո նախընտրած մեղեդու հեղինակին:
6..Լուսանկարի՛ր քո բակի, կամ բնակավայրի աշունը և բանաստեղծության տողերի ու երաժշտության համադրությամբ, կարաոկե պատրաստի՛ր: